PRAEFATIO.

Paulo post gloriosissimum pro Deigenitrice Virgine Maria et ineffabilis pro Ecclesia Christi solatii eventum, quo ante decem et octo annos Summus Eccle siae Pontifex, Pius Papa IX, eiusdem gloriosissimae Virginis, super omnes Angelorum choros Sanctorumque ordines exaltatae, ac potentissimae apud Unigenitum Filium Suum pro universo christiano populo deprecatricis, Immaculatum Conceptum ex Cathedra ore Petri definivit, consilium cepimus elucubrandi operis, quod nunc in sex voluminibus luce donamus publica: in quo non modo documenta sive monumenta ad immaculatum Deiparae Virginis conceptum spectantia continerentur, verum etiam amplissima tam universalis, quam super immaculato conceptu specialis Literatura Mariana ob oculos sisteretur, ita, ut de seculo in seculum et continua Ecclesiae fides, pietas ac cultus erga immaculatum Deigenitricis Virginis conceptum ductu Monumentorum eluceret, et studia ac conatus virorum eruditorum in illustrando ac tuendo Mariano cultu et immaculati conceptus mysterio ductu Literaturae innotescerent. Plura interim semet obiecerunt impedimenta, quominus consilium emittendi in lucem huiusmodi operis mox in effectum deduceremus.

Ingens difficultatum agmen, a pia et religiosa intentione, de abditissimis Sanctissimae Deiparae ar

canis longum texendi sermonem, absterrens invasit nos de his scribere meditantes. Celsitudo ac sublimitas Mariae, quae byssus est inscrutabilis, timorem incussit nobis vehementem. „Quid illa sanctius? non Prophetae, non Apostoli, non Martyres, non Patriarchae, non Patres, non Angeli, non Throni, non Dominationes, non Cherubim, non Seraphim, non aliud deinde quidquam inter creatas res visibiles aut invisibiles una hac maius aut excellentius inveniri potest." (S. Chrysostomus.),,Quid mirum, si haec ineffabilis Virgo in suis laudibus modum humanae vocis exsuperat, quum et ipsam humani generis naturam excellentium meritorum dignitate transscendat? Quid sanctitatis, quid iustitiae, quid religionis, quid perfectionis singularis huic Virgini deesse potuit, quae totius divinae gratiae chrismate plena fuit?" (S. Petrus Damianus.) „Omnia tua sunt admirabilia, o Deipara, omnia supra naturam, omnia ingentia, et cunctorum vires superantia." (S. Germanus CPnus.),,Signum magnum profundissimam divinae sapientiae penetravit abyssum, ut quantum sine personali unione creaturae conditio patitur, luci illi inaccessibili videatur immersa." (S. Bernardus.) Tanta fuit perfectio Mariae, ut soli Deo cognoscenda reservetur, iuxta illud Ecclesiastici: Ipse creavit illam in Spiritu Sancto, et vidit, et dinumeravit, et mensus est." (S. Bernardinus Senensis.) „Virgo omnium encomiorum legem excedit; nec, si omnes in toto orbe dispersae lingvae in unum coeant, eius laudes oratione consequi possent." (S. Ioannes Damascenus.) „Virginem, Dei est tantum laudare pro dignitate, qui, quas ipse novit, rationibus in e fecit miracula. (S. Andreas Cretensis.)

Laudes Mariae praestantia singulares, magnitudine immensae, multitudine innumerabiles sunt, ad quas accedere, inopiae et imbecillitatis conscientia admoniti, sine nota temeritatis vix possumus. Neque solum pusilli doctrina, sed et sapientissimi viri, ac celeberrimi Ecclesiae Doctores de hoc argumenti genere disserere tentantes, valde pertimuerunt, ingenue fassi, ad Mariana praeconia digne promenda omnino impares se esse. Non est, quod me magis delectet, non est, quod magis deterreat, quam de Virginis gloria sermonem habere. Licet de Maria loqui gestiant omnes, tamen quidquid dicitur de indicibili, eo ipso, quod dici potuit, minus gratum est, minus placet, minus acceptatur; quaenam etenim poterit lingva, etiamsi angelica sit, dignis extollere laudibus Virginem Matrem, non cuiuscunque, sed Dei?" (S. Bernardus.) „Quid nos tantilli? quid actione pusilli? quid in eius laudibus referemus? cum, etsi omnium nostrum membra verterentur in lingvas, eam laudare sufficeret nullus; altior coelo est, de qua loquimur; abysso profundior, cui laudes dicere conamur. Quid dicam pauper ingenio, cum de te quidquid dixero, minor laus est, quam dignitas tua meretur? si coelum te vocem, altior es; si matrem gentium dicam, praecedis; si formam Dei appellem, digna existis; si Dominam Angelorum vocitem, per omnia te esse probaris." (S. Augustinus.) „Ad eius efferenda praeconia non Rhetori corum diserta facundia, non Dialectic rum subtilia argumenta, non acutissima Philosophorum apta reperiuntur ingenia." (S. Petrus Damianus.),,Quid splendi dius ea, quam splendor elegit? quid castius illa, quae sine contagione generavit? Tanta est huius Virginis